قصة مهاجر : يمكنك أنت كذالك مشاركتنا تجربتك في الغربة لنستفيد منها

النهار لي معمرو يتنسى ليا هو فاش جمعت صاكي أو فكرت نحرك لطاليان . بالضبط 2006/07/09 جا بالأحد ، تجلوقت تكرفست تشمت مرة ما هي جوج أو الناس دارت لاباس من الخاريج دغيا وصلات ها ديور هاا لحديد ـ محسدناههمش ـ أو طلعت لي الدنيا فراسي الوقت باغا لفللوس …. etc ، أو عمي كان ديما يقولي معندك مدير بطاليان أو متقدش عليها غير بقا حدا ميمتك أو لمن غادي تخليها !!!! . بالحنان ديال لميمة كاتقوليا لا متمشيش غادي يقتلوك أو تموت في البحر أو لواليد كيقولي لا سير أو كون راجل أو حضى راسك …. etc. نهار السبت جمعت صاكي واخا مافيه والو ههه وجدت الباسبورأو لفلوس لي نعطي الحراك . الواليدة قاعدة على لبكى أو لواليد شاد الستون في الجزيرة . ماحملتش ديكور لواليدة تبكي أو لواليد إيشكي خرجت فحالي لا سلام لا كلام . من مطار محمد الخامس بدات رحلة ابن بطوطة إلى ليبا هههههههه قلعات الطيارة أو تفكرت لميمة أو هدرتها أو لواليد عارفو مساخيش بيا واخا كان قاسح معايا . لموهيم كان كيتسسناني لحراك فلماطاروصلت عيط ليه جا عنندي تفاهمنا … etc ( نختاصرلييكم ). فليل لي غانحركو فيه جا باطو ديال الصيد كبير شوية ستفونا فيه بحال سردين أو لغوات …. etc . في كل لحظة كادوز كانتفكر الوالدين أو كاندم علاش فكرت نحرك أو في نفس الوقت كانتفكر تحنسيرة كانتشجع كتر باش نكمل ما بديت . 21 ساعة لا ماكلة لا ننعاس، أو زحام أو لخلعة أو لفرحة ، فوحد اللحظة كولشي سقل كنسمع غيير صوت الأمواج أو كنت متأكد بلي حاجة وحدة شادة بال كل حراك هي لواالدين أو الطاليان . لموهيم شوية تا كنسمع صوت الهيليكوبترفوق منا قلت صافي هذي هي الأخيرة غادين إراجعونا لموغريب . خرجونا دارو لينا لبصمات أو هربت من الحبس . عمي كانت عاندي نمرتو قلت ليه أنا في سيشيلية ( سيقلية ) قالي خود التران قطع لميلانو ، داكشي لي درت وصلت لميلانو عودت عيطت ليه طفا عليا تلفون . من هاد الجيست طاحت قودام عيني هضرت الواليدين كاملة.
لمهيم وصلت لميلانو سونطرال أو لي كنتفكرو بزااااف هو ديك الحالة لي كنت فيها موغالمون تفكيري كولو رجع الماضي، شداتني البكية من لجيست لي دار ليا عمي، نزلت من تران أو متقل خطواتي ما عرفت راسي فين غانمشي كولشي جديد علييا النظرة لي كانت عندي على الدنيا تبدلات في ساعتها ، استسلمت فشلت مالقيت حتى واحد يفيقني من الصدمة ، تاصلت بدار جاوباتني لميمة أو لأكد ليا كثر أو 100% بلي ماكينش لي يبغيك يخاف عليك قد لميمة غير قبط لييا الخط تيليفون مكملش صونيت الأول ديالو قلت آلو حتى كنسمعها كتبكي مصبرتش قطعت الخط . أو تجليت ما عاندي لا لغة لا صحاب لا أحباب فقط وحداني وسط شعب اليهود أو النصارى ، تقلت أو ترزنت ملقيت لمن نعيط كنتمشى في الطريق أو خايف لا يشدوني، وصل الليل نعست في واحد الجردة كان الجو سخون بانت ليا واحد البيكالا هزيتها أو لا قول سرقتها هههه غاذي فداك الصباح خرجت من المدينة .وليت باغي غير شي كحل الراس يخفف الصدمة ….. 
كنضرب 15 أولى 20 km في اليوم كنقلب على ما ناكل أو نخدم أو فين نسكن أو في نفس لوقت نوجد لفلوس باش نصوب لوراق . هم الدنيا أو الغربة كولو تجمع في 20 km أو الحلول كاملة مشات أو ضاعت بقا لي هير الصبر أو منرجعش لماروك بلا نتيجة ….. 
15/09/2009 تفتح لقانون ديال لوراق كونت داير مع واحد يصوبهم ليا طلب مني 5 دمليون ، كانتفكر تامارة كاملة ديلها كتجيني قاسحة ، محنش فيا ، قلبت عليه مشيت عند الطالياني لي خدام معاه عاودت ليه خونا في الله طلب مني 5 دمليون ، الطالياني تصدم قالي الإسلام هاكا داير عندكم؟؟؟ قالي غدا يالاه معايا ندفع ليك أو مابيت منك والو هير خدم على راسك . تصور بهاد الكلمة فرحني أو فرح ميمتي أو بويا أو كرهني في كحل الراس ….etc. دازت ليام جمعت راسي خديت مشقوفة قطعت البييي ديال الباطو وصلت لطنجة أو كنت فرحان حتاش مقولتش لميمة راني غادي لمغريب وصلت لدار قبل مندق الباب تفكرت نهار لي خرجت فيه من الدار أو لموت لي شفت بعيني أو الشمتة لي تشمت أو لخير لي دارو فيا داك الطالياني أو كيفاش حتى صبرت أو هاهي النتيجة لحمد لله . دقيت لباب متخرج غير ميمتي تصدمات تعانقنا بكينا فرحنا ضحكنا ، جا لواليد قلت ليه سير كمل على الجزيرة ديالك هههههههه. جو غيكول. 
خوتي لي فبالو شي طوموح الله يحققو ليه ولكن راه تاحاجة ماكتجي بالساهل ، دير أسباب أو الكمال على الله . الله إيوفقكم وشكرا

يمكنك مشاركتنا قصتك في بلاد المهجر بإرسالها على بريد صفحة أخبار الجالية