الحكومة الإيطالية الجديدة تغير طريقة حساب l’isee
أخيرا الحكومة الجديدة قررات باش تغير الطريقة اللي كتّحسب بها قيمة l’isee، باش تمكّن أكبر عدد من الأسر من الاستفادة من الإعانات، و تمكّنهم كذلك من الزيادة في قيمة assegno unico.
الجهاز التنفيذي للي كترأسو جورجيا ميلوني أعرض عن نيّتو في إعادة النظر فتأثيرالقيمة ديال الممتلكات العقارية، بحال مثلا المنازل للي هي ملكية خاصة، في حساب l’isee.
أعلن المرصد ديال inps، أن هاد السنة، المساعدات للي عندها علاقة بقيمة isee، استافدات منها 5,2 مليون أسرة، و 8,3 مليون طفل. و من المحتمل باش الحكومة توصل تغطي، 7,2 مليون أسرة، يعني بزيادة 2 مليون أسرة، و كذلك، 11,2 مليون طفل، يعني بزيادة 3 مليون طفل.
و بسبب الأزمة الطاقية و غلاء المعيشة، فكرات الحكومة بشي طريقة، للي من خلالها، يمكن للمزيد من الأسر الاستفادة من assegno unico، للي كلنا كنعرفو بللي عندو علاقة وطيدة بقيمة l’isee.
مع أن طريقة حساب l’isee تمت مراجعتو سنة 2015، إلا أنه ماعطاش الثمار للي كانت منتظرة. بحيث أنو للي عندو دار مكتوبة بسميتو، تسببات ليه في عراقيل، بسبب الضوابط الغير منصفة للي تم من خلالها حساب l’isee.
و بالتالي العديد من الأسر الي، مع أنها محتاجة، كما تقول صحيفة il corriere، لكن بما أنها تملك مسكنا،
او حتى منازل غير مسكونة و غير مستعملة، أو البيوت التي ورثتها الأسرة مثلا، تزايدت قيمة isee عندها بنسبة 20%.
و بالتالي تحرمات من بزاف ديال البونوسات، و العديد من المساعدات، بحال فواتير روضة الأطفال، المطاعم المدرسية، التخفيضات في فاتورات الغاز و الكهرباء، الخ.
و بالتالي، فالحكومة تفكر في الرفع من القيمة ديال l’isee، باش تزيد من عدد الأسر المستفيدة من المساعدات.
الوضع الحالي، للي عندو isee في حدود 15000€، و ثلاثة أطفال، يتوصل ب assegno unico بقيمة 700€ تقريبا، بنسبة 175€ للطفل،
للي كتهبط الى قيمة 50€ كقيمة دنيا، للطفل، بالنسبة للي عندو isee يعادل او يفوق 40000€.
الحل بالنسبة لجورجيا ميلوني اما ترفع من قيمة l’isee التي تسمح بالاستفادة من الإعانات، او تنقص من تأثير ملكية المنازل في تحديد قيمة l’isee.
الشيء للي غادي يكلف الحكومة، كما يقول المراقبون، 15 مليار اورو في السنة، عوض 7,2 مليار الحالية، لكن جورجيا ميلوني متفائلة، و كما قالت، قد تم تحديد الوجهة.
شاهد أيضا جديد الأخبار بإيطاليا 🇮🇹
▪️ضروري تعمر هذا التصريح باش تستافذ من بونوس 150 €
▪️ وزيرة العمل الإيطالية تبشر العمال بخفض الضرائب على الأجور .