قصة مهاجرة : يمكنك أنت كذالك مشاركتنا تجربتك في الغربة لنستفيد منها
السلام عليكم ورحمة الله تعالى وبركاته..
قصة مهاجرة ….
انا قصتي بدات في 2005 بالضبط شهر 12 وتقريبا نفس الاسبوع أواخر شهر 12 شهر واحد كنت دخلت فرنسا
المهم انا الحمد لله متكرفصت في الحريك جيت ب فيزا 6500€ و 500€ صرفتها في اوطيل في طنجة بيلما وصل نهار لي نخرجو فيه
خرجت في الباطو في ااطونوبيل ديال لي جاب الفيزا بتنا نهار في الخزيرات في اوطيل لي جابني بغا يتكرفص عليا في اسبانيا الحمد لله هضرت معاه وقتانع اني ماشي من النوع لي بغا وداز الليل مزيان الغد مشينا لفرانسا في الكار من اسبانيا كنا ستة الأفراد وصلنا لفرانسا بدار الناس لي جابونا دازت تجربة زوينة جلسنا 15يوم حتى فاتت احتفالات رأس السنة لان الفيزا حدها فرانسا ودخلنا ايطاليا عبر الكار من فرانسا وبدات الحياة الواقعية
مشيت ل Reggio Emilia عند خالي لاكن خالي كان نزل للمغرب عطلة رأس السنة جلست ثلات او اربع ايام خالتي رفضت وجودي في بيت في رجل لأني مطلقة (والمطلقة في المغرب مرأة لا تحمل البكارة يعني قابلة لأي شيء تصبح كقنبلة موقوتة الكل يتوقع منها الأذى )ممنوع الخروج وحدك ممنوع السفر ممنوع الاختلاط الخ ]
تاصلت ببنت عمي في طورينو استغربت طول مدة المكالمة سولتني عن مكان اتصالي قلت لها اني في ايطاليا في Reggio Emilia طلبت مني ترك بيت خالي الالتحاق بها في طورينو لانها تملك panetteria pasticceria وبيت خاص وضعها مستقر وهي مشغلة الإيطاليين وآخرين
قلت لها خال امي طلب لي في شركة الرخام بناتو خدامات فيها 6 ore par taim 800€ للشهر فقط imballaggio alle scatole قالت لي طورينو احسن وارقى كمدينة والشغل متوفر بكثرة
كلمت ولد خالتي قال لي متمشيش خال امنا أكد انو غادي يخدمني مع بناتو في الشركة صبري
لاكن بما ان خالتي نكدت على امي حياتها بسبب وجودي في بيت خالي
تاصلت ببنت عمي وسافرت طورينو
وصلت طورينو استقبلتني بنت عمي فرحت بيا لاكن الفرحة دامت يومين
وحولتني لخادمة البيت ورفيقة لكل صديقاتها في المشاوير ومربية لولديها وخصوصا الأصغر في الحضانة نوصلو وناخدو ونضف البيت ونطبخ
اسألها عن الخدمة تقولك لاش زربانة صبري وجلسي
المهم قلت لها لا ماكنتش الخدمة نرجع Reggio Emilia عالاقل تما كاينة الشركة
خدمتني في ristorante عند صاحبتها ايطالية من العشية حتى ٣ الصباح نغسل الماعن
آخر الشهر عطاتني 500€ شفت الخلاص تصدمت قلت لها علاش قالت لي هادشي لي قالت لي نعطك بنت عمك 
😐😐
زادتني 100€ قالت لي عجبك اوكي معجبكش قلبي على راسك اصلا معندكش الوراق
صبرت معاها
نخدم بالليل والصباح مع 7 نفيق ندي ولدها لnido ونمشي مع صحاباتها نتقدا ونرجع ناكل ناخد ولدها نمشي الخدمة
صاحبتها تشكات منها قالت ليها كتجيني الخدمة مرهقة البنت خاصها تنعس
مرة كدبت عليها قلت ليها عندي القرايا ونعست في الجردة توسدت الكتوبة والناس كتفرج فيا
عالاقل رتحت شوية مشيت الخدمة قادرة نخدم
المهم جيت من الخدمة جات عندي بنت عمي وراجلها قالو بنتك غادي ياخدها باباها(امو لي هي عمتي) مع انو هو في ايطاليا ومعمرهم شافوها ولا صرفو عليها سنت ولا كتهمهم فقط لاذائي نفسيا )دار جوج محاميين جبت بنتي عندي
الوقت بي بنتي جات لفرانسا بنت عمي قالت لي ميمكنش تبقاي جالسة عندي قلبي على راسك انا منقدرش نشد بنتك معانا
كنطلبها تقلب لي على سكنة كتديني corso Giulio و porta Palazzo اكفس الاحياء والبنات الشراب والفساد
انا قلت لها بنت صغيرة منسكنهاش مع ناس هاكذا انا بوحدي نتحمل ونصبر
المهم مشيت الخدمة كنغسل الماعن ونبكي مولات الريسطورا قالت لي لا معرفتش مالك تخرجي وميمكنش الكليان يشوفوك في هاد الحالة
قالت فتحي قلبك ممكن نلقاو معاك حل
قلت ليها بنت عمي قالت لي نقلب على سكنة و بنتي قريبة تجي ومعرفت فين نمشي يله شهرين عندي في ايطاليا مكنعرف حد
قالت لي غسلي وجهك يكون خير
ساليت الخدمة مع الفجر خلصتني وقالت لي حتى تقادي امورك وتستقري ومرحبا 
🤣🤣لا خدمة لا سكنى محدها تقاقي وهي ….
🤤
وليت نعس في بلاكة باش منشوفش بنت عمي
راجلها طلب عليا ايطاليين بت عندهم ليلة الغد مشيت لدار ايطالية اخرى نبات في الليل الصباح خاصني نخوي تكون هي جات من الخدمة كتخدم حتى هي في ريسطورا خرجت مع الصباح من دار الايطالية في corso casale دخلت lbar نفطر بغيت ناكل بريوش الغصة والدموع حبسوني تخنقت خلصت والدموع نازلة حادرة راسي كنبكي مشيت للجردة في corso casale كنبكي واحد ايطالي كيلعب في بنتو في سن بنتي قربت منو والدموع نازلين كنشوف بنتو ونتخيل بنتي سلمى شافني هز بنتو وهرب يحسابني حمقة
جلست نرتاح جا ايطالي كان في lbar شافني ملي خرجت نبكي تبعني معاق عندو رجل zoppica تقريبا 70عام او اكثر
بغا يهضر معايا قمعتو قلت ليه كون ( الإيطالية قريتها في المغرب في الخامسة والساتة تانوي ) بغيت نهضر مع الناس كون بقيت في lbar المهم قالي يمكن الانسان يساعدك لا هضرتي تفكرت هضرة مولات الريسطورا قبل منو ضحكت بسخرية
😓😓😓
😔 من بعد ضهرت معاه حكيت ليه قصتي عرض عليا نمشي لvilla ديالو في zona sassi Superga رفضت قتارح عليا نسكن في camper ديالو بوحدي رفضت
قالي اش محتاجة قلت ليه نسكن مع مرة من حسن الحظ كانت عندي نمرة لي جابني بالفيزا تاصلت بيه لا كان يعرف ناس قال لي صاحبتك وصلات وهي حداك في طورينو وعندها بنات خالتها عطاني رقمها تاصلت بيها
والحمد لله لقيت صاحبت بنت خالتها كتقلب على وحدة تسكن عندها
داني الإيطالي مع 12 ليل عندها كيف خرجت من الريسطورا Superga كانت تخدم تما داتني انا وبنتي عندها قبل كنت مشيت عند بنت عمي انا وبنتي علا وعسى يحن قلبها على بنتي عندها سنتين ونصف وتدخلها على الشتا والبرد لاكن لا رحمة
والحمد لله ربي عطانا فين نستقرو وبدات الراحة والايطالي خلص المرا في البلاصة قالت ليه خاص الاكل ديالها مشا ل crai جاب كل المستلزمات وقال ليها اي شي تفعليه معاهم انا نخلصك
رجعت خدمت في الريسطورا ولو ب 600€ حسن من والو
ومن بعد شهر تعرفت على بابت ولدي منع عليا نشوف الإيطالي ولو شاف انو مجرد صديق المهم
وباقي مجلد اخر ما كملتوش……..
يتبع……