طلب الإعفاء من الرسوم على التلفزة و الضريبة على السيارة بإيطاليا

كاينين 2 ديال الضريبات للي الايطاليين كيكرهوا، أكثر من غيرها، و للي هوما، الضريبة السنوية على السيارات، و الرسوم الشهرية، على الإذاعة و التلفزة الإيطالية، و للي هوما بزوج، إلزاميين، و مايمكنش المواطنين مايخلصوهومش.

و لسنوات عديدة، كان المواطنون يتملّصون من أداء الرسومات على التلفزة، حتى أدرجتها الحكومة، ضمن الفاتورة على الطاقة الكهربائية، يعني رجعات الضريبة على la Rai، كتزاد مباشرة في الفاتورة ديال الضو، و اذا مشينا بحثنا مزيان في الفاتورة، غادي نلقاو مكتوبة فيها، القيمة ديال الرسوم على الاذاعة و التلفزة، و لا يمكن التهرب من أداءها ، لأنها داخلة ضمن القيمة الإجمالية ديال فاتورة الكهرباء.

الضريبة على السيارة كيخلصها، أي شخص كيملك سيارة، بغض النظر على أنه كيستعملها، أو حاطّها مركونة في الگاراج مثلا. الأمر كيتعلّق، بواحد القيمة معينة ديال الفلوس، للي يجب على المالكين ديال العربات، أداؤها، سنويا، و للي السلطات المختصة، كتراقبها، و كذلك، الشرطة في نقاط التفتيش، من حقها تسأل السائقين، على وضعية السيارة، من ناحية الأداء الضريبي.

و كيفمّا تمت الإشارة إليه، فالعنوان ديال هاد المقال، هناك بعض الأشخاص للي يمكن ليهم يتعفاوا من هاد زوج ديال الضرائب، ولِلتذكير، فهاد الزوج ديال الصرائب راهوم إلزاميين، يعني لازم تخلصهوم، الرسوم على التلفزة، شهريا، ضمن فاتورة الكهرباء، و الضريبة على السيارة، مرة واحدة في السنة، بصفة مستقلة، و للي نسى ما خلصها في الوقت، كتزاد عليه بعض الأوروهات، في قيمة الضريبة، و القانون تيقول أنه من بعد ثلاث سنوات على التأخير في الأداء، مِمكن يسحبوا ليه أوراق السيارة و الترقيم.

الإعفاء على الضريبة ديال السيارات، ممكن يستافدوا منّو، أصحاب السيارات الكهربائية أو السيارات العتيقة، و كاينة لائحة بأسماء جميع السيارات العتيقة المعفية من الضرائب، في الموقع الرسمي، لنادي السيارات الإيطالي، aci، و كذلك، معفيين من الضريبة على السيارة، أصحاب قانون، legge 104، و هم الحاملين للإعاقات أو ذويهم.

أما الإعفاء من الضريبة أو الرسوم على الإذاعة و التلفزة الإيطالية، فهم الأشخاص الذي لا يملكون جهاز تلفاز في البيت، من خلال تقديم تصريح عبر ملأ استمارة خاصة، و كذلك معفيين من هذه الضريبة، المسنين للي عندهم أكثر من 75 سنة في العمر ديالهم، و عندهوم isee لا تتجاوز قيمته 8000€.

هاد الفئة من الأشخاص يمكن ليهم يستمروا في مشاهدة برامجهم المفضلة عبر الشاشة، دون أداء الضريبة، و في هاد الحالة كذلك، خاصهوم يقدموا طلب خاص عبر الموقع الإلكتروني الرسمي، و في حالة اباوت صعوبة في ملأ الاستمارة، يمكن ليهم اللجوء الى مكاتب ال caf لطلب المساعدة.