إيطاليا .. ضروري ملء هذا التصريح للإستفادة من مكافأة 150€ للعمال

في هذه المقالة سأقوم بشرح مفصل بالدارجة المغربية كي تصل المعلومة للجميع .

يجب على أرباب العمل أن يدفعوا مكافأة بقيمة 150€، للمستخدمين ، مباشرة في راتب شهر دجنبر، للعمل الذي قاموا به شهر نونبر. لذلك، وجب على العمال التصريح بالشرف، أو ما يسمى auto dichiarazione في هذا الشهر نونبر.

بالنسبة لهذه الإستمارة autodichiarazione هي واحد الاستمارة خاص العامل يصرح فيها بللي ما ماكيتقاضاش شي نوع من أنواع المعاشات، و كذلك ما كايستافدش من دخل المواطنة rdc هو أو شي حد في النواة الأسرية ديالو، يعني nucleo famigliare.

هاد 150€ ماشي رب العمل للي غادي يخلصها من جيبو، حيت من بعد، غاديا تعوضو الدولة.

العمال للي غادين يمكن ليهم الاستفادة من بونوس 150€، خاص يكون عندهم في شهر نونبر عقد عمل، سواء لمدة محدودة أو غير محدودة، و داخل فيهم حتى العمال الموسميون، لكن بالشروط التالية:

-/- الخلصة الإجمالية الخامّ، ديال شهر نونبر ما تكونش كتتجاوز 1538€.

-/- ما خاصش العامل يكون كيستافد من أي نوع من أنواع الضمان الإجتماعي، أو معاش، أو تعويض عن اعاقة مدنية، عُمي، صمّ بُكم، أوتعويض عن مرافقة ذوي الإحتياجات الخاصة في حدود تاريخ 1 أكتوبر 2022.

-/- ما خاصش العامل يكون كيينتمي إلى نواة أسرية، تستفيد من دخل المواطنة rdc.

العمال للي عندهوم جوج خدامي أو أكثر، خاصهوم يقدموا l’autodichiarazione لواحد فقط من أرباب العمل، و في حالة ما اذا قاموا بتقديم أكثر من طلب، غاديا تقوم l’INPS باسترجاع القيمة المستفاد منها بدون حق، عن طريق أرباب العمل، يعني غادين يخصموها من busta paga، مباشرة.

بونوس 150€ يمكن يستفادوا منّو كذلك العمال للي خدامين ب contratto part-time.

هاد البونوس ديال 150€ ؛ غير قابل للتحويل، يعني مايمكنش يستفد منو شخص آخر غير المعني بالأمر.

و كذلك غير قابل للحجز، يعني ما يمكنش الدولة تحجز عليه كلو أو جزء منو، باش تخلص بيه شي دين ديال شي غرامة ، أو فواتير متأخرة أو بحال هاد الشكل مثلا…

كذلك هاد البونوس، ما كايزيدش من القيمة ديال الدخل الفردي، بمعنى، معندوش تأثير من الناحية الضريبية مثلا…

و في الأخير، يجب معرفة أن الأداء ديال البونوس ديال 150€، من قبل رب العمل، مستثني منّو :

عمال المنازل، يعني للي عندهم contratto di lavoro domestico.
و كذلك عمال ديال القطاع الفلاحي للي عندهم عقد عمل لمدة محدودة، يعني
Operai agricoli a tempo determinato.

شاهد أيضا جديد الأخبار بإيطاليا 🇮🇹
▪️ضروري تعمر هذا التصريح باش تستافذ من بونوس 150 €
▪️ وزيرة العمل الإيطالية تبشر العمال بخفض الضرائب على الأجور .