كيف يمكنك الحصول على أرخص تذاكر الطيران ؟

 

كاينة بزاف ديال المشاكل تواجه الإنسان المغربي ملي تيبغي يسافر خارج أرض الوطن بعد حصوله على التأشيرة إلى أوروبا أو غيرها حول العالم.

من بين المشاكل هي كيفاش تقطع تذكرة طائرة بثمن منخفض، وبعد المرات تيكون الثمن جد رمزي. هذا المقال غادي نشارك معكم بعض الطرق كيفاش تشري تذكرة طائرة جد رخيص؟

1 – شري التذكرة قبل الرحلة على الأقل بشهرين.
ملي تتشري التذكرة تتكون رخيص بزاف مقارنة مع وقت الرحلة بوقت قصير، حيت شركة الطيران تيطبقوا المثل لتيقول عصفور فالشجرة خير من 3 طايرين، يعني عندهم الفضل تشري التذكرة بكري، حيت إلا بغيتي تلغي الرحلة مغاديش تقدر، فقط بعض شركات الطيران لتيقبلوا إلغاء الرحلة.

2- شري تذكرة ديالك في آخر اللحظات.
هذا المسألة تعتبر بحال القمار، يعني تتقمر تقدر طلع لك التذكرة غالية بزاف أو رخيصة بزاف. بعض شركات الطيران ملي متيبعوش التذاكر بزاف تيبقاو تال اليوم الآخير وتينزلوا الثمن لواحد الدرجة جد مغرية باش ناس تشريها حيت الهدف ديالهم هو يبيعوا بأقل ثمن أو مايكون والوا.

3 – فين تقلب على
كاينين بزاف ديال المواقع تقدر تساعدك على البحث عن تذكرة رخيصة، من بين هذا المواقع : Skyscanner, Expedia , cheap tickets. ولكم كنصيحة ملي تلقى العرض أو الثمن المناسب لك حاول متشريش التذكرة عن طريق هذا المواقع، حيت غادي يزيدوك عليك الثمن شوية.
مثلا لقيت الرحلة مع شركة الريان إير غادي تمشي مباشرة لموقع ديالهم وتشري التذكرة ديالك.

4 – فوقاش تشري التذكرة
الأثمنة ديال الطيران تختلف كل موسم، مثلا فصل الصيف الأثمنة تتكون مرتفعة بزاف، فالعطل الرسمية كذالك، فرأس السنة الميلادية كذالك… تيبقى عندك حل واحد وهو تقطع التذكرة ديالك بكري لأن فمثل هذا المواسم من المستحيل ينزل الثمن في آخر اللحظات.

وآخير متنساش طيران منخفض التكلفة مثل: Ryanair, easyjet , wizzair….
بعد المرات ممكن تشري تذكرة مع الريان إير ب 10 أورو فقط أي 100 درهم. هذا الشركات تيكونوا بزاف من مطار فاس، مراكش، الرباط.